काठमाडौं, असार १३ गते
अलराउन्डर गुल्सनकुमार झालाई समेट्दै एसिसी यु-१९ एसिया कपका लागि नेपाली टोलीको घोषणा भएको छ।
युनाइटेड अरब ईमिरेट्स (युएई) मा हुने प्रतियोगिताका लागि प्रशिक्षक जगत टमाटाले देव खनालको कप्तानीमा १४ सदस्यीय नेपाली टोली घोषणा गरेका हुन् ।
प्रशिक्षक टमाटाले टोलीमा तीन परिवर्तन गरेका छन् । विश्वकप छनोट र एसिसी प्रिमियर कप खेलेको टोलीबाट मिलन बोहरा, दीपक बोहोरा र दुर्गेश गुप्ता यसपटक टोलीमा छैनन् ।
उनीहरुको स्थानमा गुल्सनसहित तिलकराज भण्डारी र ब्याटर विपिन रावल टोलीमा आएका छन् । तिलकले बागमती र विपिनले कर्णालीको सिनियर टोलीबाट खेलिसकेका छन् ।
प्रतियोगिताको समूह ‘ए’ मा नेपालसँगै भारत, पाकिस्तान र अफगानिस्तान छन् । प्रतियोगिता डिसेम्बर ८ देखि १७ सम्म यूएईमा हुने तालिका छ ।
नेपाली टोली
देव खनाल (कप्तान), गुलसनकुमार झा, अर्जुन कुमाल, आकाश त्रिपाठी, दीपक डुम्रे, हेमन्त धामी, , दीपेश कंडेल, विशालविक्रम केसी, सुवास भण्डारी, दीपक बोहरा, उत्तमरंगु थापामगर, विपिन रावल, तिलकराज भण्डारी, आकाश चन्द
प्रकाशित मिति: November 29, 2023