काठमाडौं। घरेलु टोली श्रीलंकाविरुद्ध १० विकेटको सानदार जित निकाल्दै भारत आठौं पटक एसिसी एसिया कपको च्याम्पियन बनेको छ ।
भारत पाँच वर्ष पछि च्याम्पियन बनेको हो । कोलम्बोस्थित आर प्रेमादासा क्रिकेट रंगशालमा आइतबार साबिक विजेता श्रीलंकाले प्रस्तुत गरेको ५१ रनको लक्ष्य भारतले ६.१ ओभरमा कुनै पनि विजकेट नगुमाइ भेट्टायो ।
भारतका लागि शुभमन गिलले बलमा १९ बलमा ६ चौको मद्दले २७ र इशान किसनले १८ बलमा तीन चौकाको मद्दतले २३ रन बनाए ।
यसअघि टस जितेर ब्याटिङ रोजेको श्रीलंका १५.२ ओभरमा ५० रनमै समेटिएको थियो । श्रीलंकाका लागि कुशल मेन्डिजले १७ र डुसन हेमन्थाले अविजजित १३ रन बनाउनु बाहेक अन्य ब्याटरले दोहोरो अंकमा रन जोड्न सकेनन् ।
पहिलो ओभरको तेस्रो बलमा जस्प्रित बुमराहले कुशल परेरालाई विकेटकिपर केएल राहुलबाट क्याच गराए । श्रीलंकाले चौथो ओभरमा पथुम निसन्का,सदिरा समाराविक्रमा, चरिथा अस्लंका र धनन्नजय डि सिल्भालाई गुमाएको थियो।
मोहम्मद सिराजले ओभरको पहिलो बलमा निसन्कालाई व्यक्तिगत दुई रनमा रविन्द्र जडेजाबाट क्याच गराए । तेस्रो बलमा सामाविक्रमा एलबिडब्ल्युको सिकार बन्दा चौथो बलमा अस्लंका इशान किसनबाट क्याच भए ।
ओभरको अन्तिम बलमा डि सिल्भा व्यक्तिगत चार रनमा राहुलबाट क्याच गराए । छैटौं ओभरको चौथो बलमा सिराजले कप्तान दासुन सनाकालाई बोल्ड गराए ।
हार्दिक पाड्याले १३ औं ओभरको बलमा दुनिथ वेलालागेलाई व्यक्तिगत आठ रनमा राहुलबाट १६ औं ओभरको पहिलो बलमा प्रमोद मदुसनलाई एक रनमा विराट कोहली र दोस्रो बलमा मथिशा पाथिरानालाई किसनबाट क्याच गराए ।
भारतका लागि सिराजले सात ओभरमा एक मेडनसहित २१ रन खर्चिएर ६, पान्ड्याले २.२ ओभरमा तीन रन खर्चिएर तीन र बुमराहले पाँच ओभरमा एक मेडनसहित २३ रन खर्चिएर एक विकेट लिए ।
यसअघि भारत सन् १९८४, १९८८, १९९० / ९१, १९९५, २०१०, २०१६ र २०१८ मा च्याम्पियन बनेको थियो । श्रीलंका सन् १९८६, १९९७, २००४, २००८, २०१४ र २०२२ को च्याम्पियन टोली हो ।
यसपटकको एसिया कपका नेपालले पनि सहभागिता जनाएको थियो । समूह ‘ए’ मा रहेको नेपाल पाकिस्तानसँग २ सय ३८ रन र भारतसँग १० विकेटले पराजित हुँदै समूह चरणबाटै बाहिरियो ।
प्रकाशित मिति: September 20, 2023
