काठमाडौं । नेपाली क्रिकेट टोलीका पूर्वकप्तान पारस खड्काको अध्यक्षमा शनिबार बसेको बागमती प्रादेशिक क्रिकेट संघको पहिलो बोर्ड बैठकले विभिन्न निर्णय गरेको छ ।
बैठकले नेपाल क्रिकेट संघ (क्यान) को असोज ५ र ६ गते काठमाडौं हुने केन्द्रिय निर्वाचनमा बागमती प्रदेशकोतर्फबाट पारस, श्रेखर श्रेष्ठ(ललितपुर) र प्रेमबहादुर क्षेत्री (मकवानपुर) लाई प्रादेशिक प्रतिनिधिहरुको रुपमा पठाउने निर्णय गरेको छ ।
बागमती प्रदेश भित्र प्रादेशिक क्रिकेट सञ्चालनको लागि विभिन्न उपसमिति गठन गरी संयोजक तोकिएको छ । आर्थिक समितिमा पारस, प्रशन्न शाक्य र संजोग पोखरेल छन् ।
वसन्तराज सत्याल (अरुण) को संयोजक रहनेप् राविधिक समितिमा सुजन महर्जन, नीरा राजोपाध्याय, राजु खड्का, विनोद बाँनिया, सुरज शाक्य र रिकेश लामा छन् ।
विकास समितिमा अनुजमान श्रेष्ठ, धिरज श्रेष्ठसहित अन्य तीन सदस्य रहनेछन् । बाँकी तीन सदस्यको मनोनय पछि गरिनेछ ।
बागमती प्रदेशको क्रिकेट निर्देशकमा अनिल अधिकारी नियुक्त हुँदा महिला प्रदेश क्रिकेट संघको महिला क्रिकेट संयोजकको जिम्मेबारी नेपाली महिला क्रिकेट टोलीकी पूर्वकप्तान निराले पाएकी छन् ।
यसैगरी संघले आवश्यक पत्राचार गरि अर्को बोर्ड बैठकमा खेलाडी छनोट समिति पनि गठन गर्ने निर्णय भएको छ ।
पारस एक साताअघि भएको संघको निर्वाचनमा उमेश पियालाई नौ मतले हराउँदै अध्यक्ष चुनिएका थिए । कुल ३७ मत भएको चुनावमा पारसले २३ र उमेश पियाले १४ मत प्राप्त गरेका थिए । संघमा पारसको पुरै प्यानल नै विजयी थियो ।
प्रकाशित मिति: September 11, 2023
