काठमाडौं । नेपाल भलिबल संघले राष्ट्रिय टोलीमा रहेका खेलाडीलाई मासिक रूपमा पारिश्रमिक दिने भएको छ ।
संघले पत्रकार सम्मेलन गर्दै राष्ट्रिय टोलीमा रहेका समान १२ महिला तथा पुरुष खेलाडीले मासिक ५ हजार पारिश्रमिक पाउने जनाकारी दियाे ।
साेही अवसरमा खेलाडीलाई सेप्टेम्बर, अक्टोबर र नोभेम्बर महिनाको पारिश्रमीक दिइएको थियो । नेपाली भलिबल खेलाडीले पहिलाे पटक मासिक पारिश्रमीक पाएका हुन् ।
अमेरिकामा रहेका पूर्वराष्ट्रिय खेलाडी राम श्रेष्ठको नेतृत्वमा पूर्वराष्ट्रिय खेलाडी र विजनेश इन्टरप्रेनियरको सहयोगमा मासिक पारिश्रमीकको व्यवस्था गरिएको हो ।
अहिले नेपाली भलिबल टाेली चीनमा हुने १९ औं एसियाली खेलकुदको तयारीमा छ । राष्ट्रिय खेलकुद परिषद् (राखेप) को पहलमा नेपाली महिला टोली पहिलो पटक एसियाली खेलकुदमा सहभागिता जानाउन लागेको हो ।
खेलाडीलाई मासिक तलब दिने भलिबल संघ चौथो हो । फुटबल र क्रिकेट खेलाडीले मासिक तलब पाइरहेका छन् । यसैगरी बुद्धीचालका पुरुष तथा महिलातर्फ शीर्ष वरियताका खेलाडीले पनि मासिक तलब पाउने गरेका छन् ।
प्रकाशित मिति: September 11, 2023
