काठमाडौं, श्रावण ११ गते
फिफा विश्वकप २०२६ तथा एएफसी एसियन कप २०२७ छनोटको प्रारम्भिक चरणमा नेपालले लाओसको सामना गर्ने भएको छ ।
एसियन फुटबल कन्फेडेरेसन (एएफसी) ले बिहीबार निकालेको ‘ड्र’ मा नेपालले लाओसलाई प्रतिद्धन्द्धको रूपमा पाएको हो । प्रारम्भिक चरणको पहिलो लेग अक्टोबर १२ र दोस्रो लेग अक्टोबर १७ मा हुनेछ ।
अमेरिका, मेक्सिको र क्यानडामा हुने विश्वकप र साउदी अरेबियामा हुने एसियन कपको लागि एएफसीले पहिलो चरण र दोस्रो चरणका छनोट खेल खेलाउनेछ । जसमा ४८ टोलीको सहभागीता छ। दोस्रो चरणमा स्थान बनाउनेले सिधै एएफसी कप खेल्न पाउनेछन् ।
यसपटक फिफा विश्वकपमा ४८ राष्ट्रको सहभागीता हुनेछन् । एसियातर्फ नेपालसहित २० राष्ट्रले प्लेअफ खेल्नेछन् । यसबाट १० टोली दोस्रो चरणमा पुग्नेछन् । जहाँ २६ टोलीले स्थानपक्का गरिसकेका छन् ।
दोस्रो चरणबाट १० टोलीले अन्तिम चरणमा स्थान बनाउँनेछन् । जहाँ ३६ टोलीबीच ९ समूहमा रहेर प्रतिस्पर्धा हुनेछ । चार/ चार राष्ट्रसहित बनेको समूहबाट विजेता र उपविजेताले एसियन कपमा स्थान बनाउनेछन् । यसैगरी विश्वकप छनोटको तेस्रो चरणमा प्रवेश पाउनेछन् ।
प्रारम्भिक छनोटको पट १ मा नेपालसहित फिफा वरियतामा २७ देखि ३६ स्थानका तथा पट २ मा ३६ देखि ४६वरियताका राष्ट्र परेका थिए।
पट १ मा नेपालसहित हङकङ, इन्डोनेसिया, चाइनिज ताईपेइ, माल्दिभ्स, यमन, अफगानिस्तान, सिंगापुर, म्यानमार र कम्बोडिया थिए। पटक २ मा मकाउ, मंगोलिया, भुटान, लाओस, बंगलादेश, ब्रुनाई, टिमोर लिस्टे, पाकिस्तान, गुआम र श्रीलंका थिए। पट १ ले पट २ का टोलीसँग प्रतिस्पर्धा गर्न लागेका हुन् ।
प्रारम्भिक चरणका अन्य खेलमा अफगानिस्तानले मंगोलिया,माल्दिभ्सले बंगलादेश, सिंगापुरले गुआम, यमनले श्रीलंका, म्यानमारले मकाउ, कम्बोडियाले पाकिस्तान, चाइनिज ताइपेइले टिमोर लिस्टे, इन्डोनेसियाले ब्रुनाइ र हङकङले भुटानको समान गर्नेछन् ।
प्रकाशित मिति: July 27, 2023
