काठमाडौं, फागुन २४ गते
यु-१६ महिला टोली साफ यू -१६ महिला च्याम्पियनसिप २०२४ प्रतियोगिताबाट बाहिरिएको छ।
सातदोबाटोमा सञ्चालन भइरहेको विहिवारको लिगको निर्णायक खेलमा भारतले नेपाललाई १०-० को फराकिलो अन्तररले पराजित गरेको हो।
आजको खेल जितेको भए नेपाल प्रतियोगिताको फाइनलमा प्रवेश गर्ने थियो। तर हार पछि भने भारत र बंगलादेशबिच फाइनल प्रतिस्पर्धा हुने भएको छ।
युवा टोलीले पहिलो हाफमा ६ गोल तथा दोस्रो हाफमा थप ४ गोल खाएको थियो।
पहिलो खेलमा बंगलादेशसँग २-० को हार बेहोरेको नेपालले दोस्रो खेलमा भुटानलाई ३-० ले पराजित गरेको थियो । भारतले पहिलो खेलमा भुटानलाई ७-० ले पराजित गर्दा दोस्रो खेलमा बंगलादेशसँग ३-१ को हार बेहोरेको थियो ।
प्रतियोगिताको फाइनल आइतबार हुनेछ ।
प्रकाशित मिति: March 7, 2024
