काठमाडौं, (एजेन्सी) पुस १७ गते
प्रिमियर लिग फुटबलमा लिभरपुलले शानदार जित दर्ता गरेको छ।
राती भएको खेलमा घरेलु टोली लिभरपुलले न्युक्यासललाई ४–२ गोलअन्तरले पराजित गरेको हो। लिभरपुलको जितमा मोहम्मद सलाहले २ गोल गर्दा कर्टिस जोन्स र कोडी गाक्पोले समान १–१ गोल गरे।
न्युक्यासलका लागी अलेक्जेन्डर इसाक र स्भेन बोटमानले समान १-१ गोल गरे। यो जितसँगै २० खेलबाट ४५ अंक जोडेको लिभरपुलले शीर्षस्थानमा ३ अंकको अग्रता बनाएको छ। समान खेलमा न्युक्यासल २९ अंकसहित नवौँ स्थानमा रहेको छ। दोस्रो स्थानको एस्टन भिल्लाको समान खेलबाट ४२ अंक छ।
प्रकाशित मिति: January 2, 2024